UPACARA ADAT PATURAY-TINEUNG SISWA KELAS XII
PROLOG
Poe
ieu dina patok nu muka, dina lalampahan hirupkumbuh anu
tangtu, urang miang pada-pada nangtukeun jalan sorangan,memeh langkah dina jalan
kabagjaan, urang kebat, asa kamari urang nyuprihpangarti, kiwari nu ngancik
naati sanubari baris kapipit kaala hasilna ngajadibukti, memeh tetep ngiles
pinuh kareueus
hayu urang bandungan
Batur jenuk mangka weruh
Balarea mangka waspada
Papayung agung mancuh saestu
Emban mapayang tandana naratas jalan
Kalayan nyebat ….. bismillahirrohmanirrohim
Upacara Paturay tineung kelas XII SMK PASIM PLUS
SUKABUMI….DIKAWITAN……
(Overture)
………….
(Dayang-dayang)
………….
(Lengser Asup)
Narator : “uwa,,,wa léngsér…na di mana
pangersa…..
Kumargi acara parantos dikawitan…
sumangga uwa
dihaturan ka papanggungan
…lengser asup, kesel ngantosan…bari ka kenca ka katuhu
nyawang
…Tuluy ka tengah tepak
deku
Umbul – umbul ting
parentul
Jadi cirri anu pasti
Ting arulang
ngageleber
Lir anu ngagupayan
Bagea nu anyar datang
Nu kasep raja
sadinten
Nu mahal lir emas
inten
Bagja teuing duh
anaking
(ponggawa asup)
……..
(Lengser bewara, di tengah tengah ponggawa, hareupeunna
bari ngibing)
Euleuh geuning eleuh geuning itu geuning
Panganten teh panganten teh bener sumping
(ngibing)
Yap, bagea bagea jimat awaking
Hidep nu dianti-anti kadang wargi sami nganti
Hayu urang papag tuh nu kasep nu diantosan
Bagja, bagja temen nu ngantos teu hariwangeun
Haturan mugi linggih haturan wilujeng sumping
Mangga geura linggih geura tampi ieu pangasih
(ngibing)
Yap bagea, bagea jimat awaking
Hidep nu dianti-anti kadang wargi sami nganti
Hayu urang papag tuh nu kasep nu diantosan
Bagja, bagja temen nu ngantos teu hariwangeun
(Payung)
Payang kuning
kadia emas sinangling
Ting gurilap ting baranyay
Lir cahya ti kahiyangan
Nu ngempur dipayung tangtung
Papayung sang kala rasa
Rumingkang meber komara
Lawang rembesing kusuma
Seke seler pajajaran
Payung agung payung langit
Gumebyar lir layung kuning
Waluya jati rahayu……
…………………..
(Merak Asup)
…………………..
Dalingding wangi malati
Wawangi pasini jangji
Ayeuna datang mangsana
Matri ngajadi na
wanci…
Tawis bingah rasa bagja
Dipapag ku merak ngibing
(Merak ngibing)
……………..
(Jajap Pangantén-Lengser tos ngatur panganten-pa
Kepsek-ket Yayasan)
Haturan wilujeng jimat awaking
Hidep geuning jimat awaking
…….
NASKAH
SUNGKEM
NARATOR
Kasep…geulis…
Di payuneun hidep parantos calik bapa
kepala sakoa sareng ibu pupuhu yayasan nu maksadna ngadugikkeun kanyaah sareng
kaasih ka hidep nu mangrupi piwejang.
KEPALA SAKOLA/YAYASAN
“
Bagéa kasép…geulis…anaking
Poé
ieu kabungah bapa jeung ibu sadayana tembus ka langit ka tujuh…parat ka congka
rasa…réhna hidep sakola geus réngsé…
Jalan
panjang nu baris disorang..geus nampeu hareupeun hidep
Bral…geura
miang, dimimitian ku ngucapkeun bismillah…bari dibarengan ku niat nu bersih tur
suci…
Omat
anaking,,,tinangtu bakal panggih hahalang jeung dodoja,,,,
Tapi
sok sanajan kitu, omat anaking hidep ulah geumpeur jeung galideur….malah mah
kudu jadi pamecut pikeun ngahontal jeung ngudag cita-cita….Lamun hidep tetep
panceg dina jalan nu dipirido ku Alloh,,,insyaalloh hidep bakal sanggup
nyanghareupanan….
Kasép…geulis
anaking….
Pamungkas
saméméh hidep ngaléngkah…ninggalkeun ieu sakola…
Peupeujeuh
hidep kudu yakin ,,,yén élmu nu dipimilik ku hidep téh bakal bisa nangtukeun
luhur jeung handapna darajat hidep,,,,braaallllll anakiiiiing,,,geura
miang,,,,ku bapa miwah ku ibu didu’akeun………”
“ya
Alloh……ya robbi…..
Abdi
titip ieu murangkalih….mugia aranjeuna dina nyiar elmu jeung panemu….sing aya
dina mungguh Alloh…..mulya dina pandangan manusa,,,,aamiin…..
NARATOR
Bagéa anaking…
mangga geura teuteup raray bapa sareng ibu,,,,nu parantos ngadidik sareng ngaping hidep salami 3 taun. Dibarengan ku hate nu jumerit ka alloh..kalayan nyuhunkeun dihapunten tina sagala dosa…
mangga geura teuteup raray bapa sareng ibu,,,,nu parantos ngadidik sareng ngaping hidep salami 3 taun. Dibarengan ku hate nu jumerit ka alloh..kalayan nyuhunkeun dihapunten tina sagala dosa…
SISWA
Bapa……ibu….hapunten
abdi….
Abdi
rumaos seueur nyesahkeun….rumaos seueur ngadamel kalepatan—sok ngeselkeun….
Rumaos
tara tumut kana paréntah bapa sareng ibu……………….salami 3 taun abdi dididik,
diaping, ku bapa miwah ibu……hapunten abdi ibu….hapunten abdi bapa…….
Dinten
ieu…………….abdi sareng réréncangan…bade permios seja ngantunkeun ieu sakola……
Du’akeun
abdi sadaya supados tiasa hasil dina cita-cita…………
KEPALA SAKOLA/KET YAYASAN
Bagéa
anaking,,,,ku bapa miwah ibu teu wéléh dihampura….sadaya kalepatan hidep…..
Bapa
sareng ibu ngan ukur ngajurungku
du’a….BRALLLLL….anakiiiing hidep geura miang….geura tandang makalangan……
NARATOR
“SUMANGGA
NGADEG DEUI…URANG LAJENGKEUN KANA NGAKALUNGAN MANGLE NU MANGRUPA TAWIS YEN
HIDEP RESMI JANTEN ALUMNI………………”
Tidak ada komentar:
Posting Komentar
kamandang